پنجاب کی 2 افسران کی خدمات وفاق کو دینے سے معذرت
پنجاب حکومت نے 2 اہم افسران کی خدمات وفاق کو دینے سے معذرت کرلی۔
ذرائع کے مطابق صوبائی حکومت نے ڈی آئی جی آپریشنز لاہور علی ناصر کو ریلیز کرنے اور سیکریٹری سی اینڈ ڈبلیو سہیل اشرف کو پی سی بی میں رپورٹ کرنے سے روک دیا ہے۔
ذرائع کے مطابق پنجاب حکومت نے وفاق سے افسران کی تبدیلی سے پہلے اعتماد میں لینے کی درخواست کی ہے۔
حکومت پنجاب کے ذرائع کے مطابق اہم پراجیکٹ چل رہے ہیں، سیکریٹری سی اینڈ ڈبلیو کو فوری تبدیل نہیں کیا جاسکتا۔
ذرائع کے مطابق عید کے بعد وفاق سے بات کر کے افسران کے تبادلے کو دیکھا جائے گا۔
