دو تین بار بریک اپ ہوا، جب ایسا ہوتا تو زیادہ ایکسرسائز کرتا تھا، اکشے کمار
بالی ووڈ کے کھلاڑی اکشے کمار نے کہا ہے کہ انکے شادی سے قبل دو تین بریک اپ ہوئے تھے۔
واضح رہے کہ اکشے کمار نے 2001 میں ساتھی اداکارہ ٹوئنکل کھنہ سے شادی کرلی تھی، دونوں کے ہاں دو بچے بیٹا آراو اور بیٹی نیتارا ہے۔
56 سالہ اکشے نے حال ہی میں رنویر شو پوڈ کاسٹ میں گفتگو کے دوران ٹوئنکل سے تعلق اور شادی سے قبل اپنے دو تین ناکام عشق کا انکشاف کیا۔
انہوں نے یہ بات اس وقت بتائی جب ان سے میزبان نے کہا کہ وہ بریک اپس کے بارے میں نوجوان نسل کو کیا مشورہ دینگے اور کسطرح ٹوٹے دل کو سنبھالا جائے۔
جس پر گزشتہ تین دھائیوں سے زیادہ عرصے سے بالی ووڈ میں سرگرم اداکار کا کہنا تھا کہ میرے ساتھ جب بریک اپ ہوا تو (دو تین بار ہوا) تو میں اور زیادہ ایکسرسائز کرتا تھا۔
اس طرح میں اس دکھ کو چینلائز کرتا تھا، اسکی وجہ یہ ہے کہ جب بریک اپ ہوتا ہے تو بہت غصہ ہوتا ہے تو اسے چینلائز کرنا ہوتا ہے۔
