اسٹار کڈز کو زیادہ اچھے مواقع ملنے پر مایوسی ہوتی ہے، کیرتی سنن

بالی ووڈ کی پرکشش اداکارہ کیرتی سنن کا کہنا ہے کہ انہیں اس وقت بہت مایوسی ہوتی ہے جب اکثر اسٹار کڈز (بالی ووڈ کے اداکاروں کے بچوں) کو زیادہ اچھے مواقع مل جاتے ہیں۔

بھارتی میڈیا کے ساتھ ایک حالیہ انٹرویو میں انکا کہنا تھا کہ انکے فلمی کیریئر کی ابتدا میں ایک ایسا دور بھی تھا جس میں بغیر آرام کے کام کرتی تھی۔

انہوں نے کہا کہ اسکی وجہ یہ تھی کہ میرے اندر اس سے زیادہ صلاحیت تھی جتنا کہ ملنے والی فلموں میں پرفارم کرچکی تھی۔ میں اس سے بھی زیادہ بہتر کام کرنا چاہتی تھی۔

اقربا پروری کے حوالے سے بات کرتے ہوئے کیرتی کا کہنا تھا کہ فلمی گھرانے کو بالی ووڈ میں ترجیح دی جاتی ہے۔

واضح رہے کہ حال ہی میں انکی کامیاب فلم کریو ریلیز ہوئی جس میں وہ کرینہ کپور اور تبو کے ساتھ ایئر ہوسٹیس کے کردار میں نظر آئیں۔