کراچی، بچے نے بہادری سے ڈکیتی کی کوشش ناکام بنادی
کراچی کے علاقے گلشن معمار میں بچے نے کمال بہادری اور حاضر دماغی سے کام لیتے ہوئے ڈکیتی کی کوشش ناکام بنادی۔
اہل خانہ کی اطلاع پر پولیس نے بروقت پہنچ کر گھر میں گھسنے والے ڈاکوؤں کو گھیر لیا، فائرنگ کے تبادلے میں ایک ڈاکو مارا گیا جبکہ دو زخمی حالت میں گرفتار کرلیے گئے۔
پولیس کے مطابق ڈاکوؤں نے خواتین اور بچے کے ہاتھ رسیوں سے باندھے اور لوٹ مار شروع کردی۔
اسی دوران بچے حسنین نے انتہائی بہادری کا مظاہرہ کرتے ہوئے دانتوں سے اپنی رسی کھول لی اور پھر والدہ کے ہاتھ کھولے، والدہ نے فون کر کے پولیس بلالی۔
