آریان خان کی ویب سیریز ’اسٹار ڈم‘ کی شوٹنگ مکمل ہوگئی
بالی ووڈ کنگ شاہ رخ خان کے بیٹے آریان خان کی پہلی ویب سیریز اسٹارڈم کی شوٹنگ مکمل ہوگئی۔
بھارتی میڈیا کی رپورٹ کے مطابق، آریان خان نے اپنے کیریئر کی پہلی ویب سیریز’اسٹار ڈم‘ کی شوٹنگ مکمل کرلی ہے جس کی کاسٹ میں اداکار بوبی دیول بھی شامل ہیں۔
رپورٹ میں ایک قریبی ذرائع کا حوالہ دیتے ہوئے بتایا ہے کہ بوبی دیول نے پچھلے ماہ شوٹنگ مکمل کروا دی تھی اور اب وہ اگلے مرحلے کی تیاری کر رہے ہیں جس میں وہ جلد ہی سیریز کے لیے ڈبنگ شروع کریں گے۔
ویب سیریز ’اسٹارڈم‘ کی کہانی ان مشکلات اور چیلنجز کے گرد گھومتی ہے جن کا سامنا ان تمام نوجوان اداکاروں کو کرنا پڑتا ہے جو شوبز انڈسٹری میں اپنی منفرد پہچان بنانے اور شہرت کے حصول کی خواہش رکھتے ہیں۔
یاد رہے کہ ویب سیریز ’اسٹار ڈم‘ کی اسکرپٹ بھی آریان خان نے خود لکھی ہے جسے شاہ رخ خان کے پرودکشن ہاؤس ریڈ چلیز کے بینر تلے ریلیز کیا جائے گا۔
