چوہدری اختر چھوکر کلاں اورسکندرحیات گوندل کے اعزاز میں پاکسلونہ کلچرل ایسوسی ایشن کا عشائیہ
بارسلونا/دوست مانیٹرنگ ڈیسک/پاکستان پیپلز پارٹی پنجاب کے نائب صدر چوہدری اختر چھوکر کلاں اورڈائریکٹر قرطبہ ریسٹورنٹ کائیے قرطبہ چوہدری سکندرحیات گوندل کے اعزاز میں پاکسلونہ کلچرل ایسوسی ایشن کا پنجاب شینواری ریسٹورنٹ بارسلونا عشائیہ کا انعقاد،جس میں پاکسلونہ کلچرل ایسوسی ایشن کے ممبران اور دیگر معززین بارسلونا نے شرکت کی۔
اس خوبصورت محفل کی نظامت پاکسلونہ کے جنرل سیکرٹری راجہ ساجد محمود ،تلاوت قرآن پاک کی سعادت پاکسلونہ کے اہم رکن راجہ مشرف نے حاصل کی، پاکسلونہ کے سرپرست اعلیٰ جاوید مغل نے مہمانوں کو استقبالیہ دیا، سینئر نائب صدر شہباز کھٹانہ نے پاکسلونہ کا مختصر تعارف کروایا، مظہرحسین راجہ نے والہانہ انداز میں نعت رسول مقبول صلی اللّٰہ علیہ وسلم اور معروف فنکار قدیر احمد خان نے صوفیانہ کلام پیش کیا۔ اور خوب داد وصول کی۔ شاعر بارسلونا ارشد نذیر ساحل نے بھی محفل میں اپنا خوبصورت کلام پیش کیا۔ اور خوب داد سمیٹی۔ بلکہ دوبارہ سٹیج پر بلایا گیا تا کہ مزید کلام پیش کریں۔
چوہدری اختر چھوکر کلاں نے حاضرین سے خطاب کیا،صدر پاکسلونہ راجہ شفیق کیانی نے سکندر حیات گوندل کو شادی کی مبارکباد پیش کی، اور مہمانوں کا شکریہ ادا کیا۔مہمانوں کی تواضع شنواری ریسٹورنٹ کے لذیذ کھانوں اور بہترین سروس کے ساتھ کی گئی۔
