سبی میں دھماکا، 3 افراد جاں بحق، 5 زخمی

بلوچستان کے شہر سبی کے جناح روڈ پر ہونے والے دھماکے میں 3 افراد جان بحق جبکہ 5 زخمی ہوگئے، زخمیوں کو ڈسٹرکٹ اسپتال سبی منتقل کردیا گیا۔

پولیس کے مطابق سبی کے جناح روڈ کے جی پی او چوک پر دھماکا اس وقت ہوا جب ایک سیاسی جماعت کی ریلی وہاں سے گزری تھی۔

دھماکے اتنا شدید تھا کہ اس کی آواز دور دور تک سنی گئی، دھماکے سے جی پی او چوک پر کھڑی گاڑیوں، موٹرسائیکلوں اور قریبی دکانوں کو نقصان پہنچا، دھماکے کے زخمیوں کو ڈسٹرکٹ اسپتال سبی منتقل کردیا گیا ہے۔

میڈیکل سپرنٹنڈنٹ (ایم ایس) ڈسٹرکٹ اسپتال سبی ڈاکٹر شاہد نے بتایا کہ دھماکے میں 3 افراد جاں بحق جبکہ 5 زخمی ہوئے ہیں، تین شدید زخمیوں سی ایم ایچ سبی منتقل کیا جارہا ہے۔

پولیس کے مطابق دھماکے کے مقام کو گھیرے میں لے کر دھماکے کی نوعیت کا تعین کیا جارہا ہے۔