ایس پی ایل میں بہترین پرفارمنس پر کوئٹہ گلیڈی ایٹرز نے پِک کیا، عمر امین
کوئٹہ گلیڈی ایٹرز کے کھلاڑی عمر امین نے کہا ہے کہ سندھ پریمیئر لیگ (ایس پی ایل) میں بہترین پرفارمنس کی وجہ سے کوئٹہ گلیڈی ایٹرز کی ٹیم نے پِک کیا۔
لاہور میں میڈیا سے گفتگو کرتے ہوئے عمر امین کا کہنا تھا کہ ماڈرن ڈے کرکٹ میں بیٹنگ میں تبدیلی لانی پڑتی ہے۔
انہوں نے کہا کہ ریگولر ڈومیسٹک کرکٹ کھیلی، جہاں موقع ملا پرفارمنس دینے کی کوشش کی۔
عمر امین کا کہنا تھا کہ کوچ شین واٹسن تمام بیٹرز کو سمجھاتے ہیں اور پاور ہٹنگ کے حوالے سے ٹپس دیتے ہیں۔
انہوں نے کہا کہ کپتان رائیلی روسوو کے ساتھ پہلے بھی پی ایس ایل میں کھیل چکا ہوں، روسوو بہت زبردست انسان ہیں، سب کو ساتھ لے کر چلتے ہیں، وہ ٹیم کو زبردست طریقے سے لیڈ کر رہے ہیں اور اسکے رزلٹس بھی آپ کو دیکھنے کو ملیں گے۔
گلیڈی ایٹرز کے بیٹرز کا کہنا تھا کہ محمد عامر کے آنے سے بڑا فرق نظر آئے گا، عامر نئے گیند، ڈیتھ اوورز یا سینٹر میں جہاں وکٹ کی ضرورت ہوتی ہے وہ وکٹ لیتے ہیں۔
انہوں نے کہا کہ تمام اسکواڈز میں کوئٹہ کی بولنگ سب سے مضبوط ہے، کوئٹہ کی ٹیم کے پاس بیٹرز بھی اچھے ہیں، پاور ہٹرز بھی ہیں اور اینکر رول ادا کرنے والے بیٹسمین بھی ہیں۔
عمر امین کا کہنا تھا کہ عامر بولنگ کے ساتھ بیٹنگ کے گر بھی بتاتے ہیں، نیا سیزن ہے نیا کمبی نیشن ہے، امید ہے نتائج بھی اچھے آئیں گے۔
اپنے رول کے بارے میں بات کرتے ہوئے انہوں نے کہا کہ میرا ہدف یہی ہے کہ جب بھی اور کسی بھی نمبر پر موقع ملے تو پرفارم کروں۔
