علی ظفر پی ایس ایل 9 کی افتتاحی تقریب میں آتش بازی دیکھ کر خوش

پاکستان کے معروف گلوکار علی ظفر پی ایس ایل 9 کی افتتاحی تقریب میں آتش بازی دیکھ کر خوش ہوگئے۔

پی ایس ایل کی رنگا رنگ افتتاحی تقریب  گزشتہ روز لاہور کے قذافی اسٹیڈیم میں ہوئی جس میں لوک فنکار عارف لوہار نے آواز کا جادو جگایا، عارف لوہار کے ساتھ لوہار بوائز نے بھی شاندار پرفارمنس کا مظاہرہ کیا۔

افتتاحی تقریب میں گلوکار علی ظفر نے بھی اپنی آواز سے لوگوں کو محظوظ کیا۔ تقریب میں آتش بازی کو دیکھ کر گلوکار بھی خوش ہوگئے اور انہوں نے اس بات کا اظہار اپنے سوشل میڈیا اکاؤنٹ پر بھی کیا۔

فوٹوز اینڈ ویڈیوز شیئرنگ ایپ انسٹاگرام پر شیئر کی گئی ویڈیو کے ساتھ اپنے پیغام میں علی ظفر نے کہا کہ ایونٹ میں پرفارمنس کے بعد زبردست آتش بازی کا مظاہرہ کیا گیا۔

گلوکار نے کہا کہ یہ ایک خوبصورت رات تھی جو میری یادوں میں ہمیشہ کیلئے نقش ہوگئی، میں اس پر بہت خوش ہوں کہ آپ کےلیے تفریح فراہم کر سکا۔