پاک بھارت بلائنڈ کرکٹ ٹیمیں مدمقابل
تین ملکی بلائنڈ کرکٹ سیریز کے پہلے میچ میں بھارتی ٹیم نے پاکستان کو جیت کے لیے 213 رنز کا ہدف دے دیا۔
متحدہ عرب امارات میں ہونے والی اس سیریز کے پہلے میچ میں بھارت نے 20 اوورز میں 6 وکٹوں کے نقصان پر 212 رنز بنائے۔
بھارتی کپتان درگاہ راو نے 61 اور وینکیٹیشورا راو نے 49 رنز بنائے جبکہ پاکستان کی جانب سے بدر منیر اور کامران اختر نے دو دو وکٹیں لیں۔
میچ میں مطیع اللّٰہ اور محمد سلمان نے ایک ایک وکٹ حاصل کی۔
سیریز میں 23 فروری کو بھارت اور سری لنکا جبکہ 24 فروری کو پاکستان اور سری لنکا کا میچ ہوگا۔
تین ملکی سیریز کا فائنل 25 فروری کو کھیلا جائے گا۔
