پنڈی اسٹیڈیم میں پی ایس ایل میچز کیلئے تیاریاں شروع

پنڈی کرکٹ اسٹیڈیم میں پاکستان سپر لیگ سیزن 9 کے میچز کے حوالے سے تیاریاں شروع کردی گئیں۔

پنڈی کرکٹ اسٹیڈیم میں پی ایس ایل کے 9 میچز کھیلے جائیں گے جس کے لیے 5 پچز استعمال کی جائیں گی اور ساڑھے دس ہزار کرسیوں کو چار انکلوژرز میں لگایا جائے گا۔

پنڈی کرکٹ اسٹیڈیم میں صفائی ستھرائی کا کام بھی شروع کردیا گیا ہے، اسٹیڈیم میں تماشائیوں کا داخلہ علامہ اقبال پارک سے ہوگا۔

علامہ اقبال پارک کو اسٹیڈیم کی سائیڈ سے ٹینٹ لگا کر کوور کردیا گیا ہے۔

واضح رہے کہ راولپنڈی میں 2 سے 10 مارچ تک پاکستان سپر لیگ کے میچز کھیلے جائیں گے۔