نیوزی لینڈ کرکٹ ٹیم کے دورۂ پاکستان کے شیڈول کا اعلان
پاکستان کرکٹ بورڈ نے نیوزی لینڈ کرکٹ ٹیم کے دورۂ پاکستان کے شیڈول کا اعلان کردیا۔
پی سی بی کے مطابق نیوزی لینڈ کرکٹ ٹیم 14 اپریل کو 5 ٹی ٹوئنٹی میچز کے لیے اسلام آبادپہنچے گی۔
دونوں ٹیموں کے درمیان پنڈی کرکٹ اسٹیڈیم میں 18، 20 اور 21 اپریل کو ٹی ٹوئنٹی میچز کھیلے جائیں گے۔
پی سی بی کے مطابق سیریز کے باقی 2 ٹی ٹوئنٹی میچز قذافی اسٹیڈیم لاہور میں 25 اور 27 اپریل کو کھیلے جائیں گے۔
پاک نیوزی لینڈ ٹی ٹوئنٹی سیریز کے تمام پانچ میچز رات 7 بجے شروع ہوں گے۔
نیوزی لینڈ کرکٹ ٹیم کا یہ دورہ 17 ماہ کے عرصے میں تیسرا دورۂ پاکستان ہوگا۔
اس سے قبل نیوزی لینڈ کرکٹ ٹیم نے دسمبر 2022 اور جنوری 2023 میں دو ٹیسٹ اور تین ون ڈے میچوں کی سیریز کے لیے پاکستان کا دورہ کیا تھا۔
