اسلام آباد یونائیٹڈ کے کھلاڑیوں کا جشن، فلسطینی جھنڈے لہرادیے
اسلام آباد یونائیٹڈ کے کھلاڑیوں نے پی ایس ایل 9 کا ٹائٹل اپنے نام کرنے کے بعد فلسطین کے جھنڈے لے کر گراؤنڈ کا چکر لگایا۔
پاکستان سپر لیگ 9 میں اسلام آباد یونائیٹڈ نے ملتان سلطانز کو دلچسپ مقابلے کے بعد شکست دی اور ٹائٹل اپنے نام کیا۔
ملتان سلطان کی جانب سے دیا گیا 160 رنز کا ہدف اسلام آباد یونائیٹڈ نے 8 وکٹوں کے نقصان پر آخری گیند پر حاصل کیا۔
واضح رہے کہ اسلام آباد یونائیٹڈ نے تیسری مرتبہ پی ایس ایل چیمپئن بننے کا اعزاز حاصل کیا ہے۔
