انتخابات کالعدم قرار دینے کی درخواست پر سماعت آج ہوگی
سپریم کورٹ میں 8 فروری کے انتخابات کو کالعدم قرار دینے کی درخواست پر سماعت آج ہوگی۔
چیف جسٹس قاضی فائز عیسیٰ کی سربراہی میں تین رکنی بینچ آج سماعت کرے گا جبکہ جسٹس محمد علی مظہر اور جسٹس مسرت ہلالی بھی بینچ کا حصہ ہیں۔
سپریم کورٹ نے درخواست گزار علی خان کو آج کی سماعت کیلئے نوٹس جاری کیا تھا۔
واضح رہے کہ شہری نے انتخابات میں دھاندلی کی وجہ سے دوبارہ انتخابات کی استدعا کر رکھی ہے۔
