بارسلونا، بس میں آگ لگنے سے C-31 شاہراہ دونوں اطراف سے مکمل بند
Screenshot
بارسلونا کے قریب بادالونا کے مقام پر C-31 شاہراہ پر ایک بس میں آگ لگنے کے باعث ہفتہ کی شام تقریباً 7 بجے دونوں اطراف کی ٹریفک مکمل طور پر بند کر دی گئی۔ موسوس (پولیس) کی جانب سے سڑک بند کیے جانے کے بعد گاڑیوں کی لمبی قطاریں لگ گئیں۔ آگ اس قدر شدید تھی کہ اس کے شعلے شاہراہ کی پوری چوڑائی میں پھیل گئے۔
واقعے کی اطلاع ملتے ہی فائربریگیڈ کی کئی گاڑیاں موقع پر پہنچ گئیں، اور تقریباً 20 منٹ کے اندر آگ پر قابو پا لیا گیا۔ اس کے بعد بارسلونا کی طرف جانے والی سمت میں ایک لین کھول دی گئی۔
شام تقریباً 7:30 بجے پولیس نے شہر کی طرف آنے والی دوسری لین بھی کھول دی، تاہم بارسلونا سے باہر جانے والی سمت تاحال مکمل طور پر بند ہے۔
یہ آگ بہت نمایاں تھی اور اس سے اٹھنے والا دھواں شہر کے مختلف حصوں، جیسے مونتجوئک، سے بھی واضح طور پر دیکھا گیا۔ مقامی افراد نے سوشل میڈیا پر دھویں کی تصاویر بھی شیئر کیں۔
About The Author
