اسپین کے شہر جیرونامیں 16 سال سے کم عمر کی تین لڑکیوں پر جنسی حملے کے الزام میں دو افراد گرفتار

متاثرہ لڑکیاں تین نابالغ بچیاں تھیں جو بظاہر ایک دوسرے کو جانتی تھیں۔ دونوں گرفتار ملزمان کو جیل بھیجنے کا حکم دے دیا گیا ہے۔

موسوس دیسکوادرا ( کاتالونیا کی پولیس) نے دو مردوں کو گرفتار کیا ہے جن پر 16 سال سے کم عمر کی تین نابالغ لڑکیوں پر جنسی حملے کا الزام ہے۔ یہ افراد لڑکیوں کو جنسی تعلقات قائم کرنے کے لیے پیسے دیتے تھے۔ دونوں ملزمان کو جیل بھیجنے کا حکم جاری کیا جا چکا ہے۔

*روزنامہ جیرونا* (Diari de Girona) کی رپورٹ اور ذرائع کے مطابق، 35 سالہ ملزمان میں سے ایک کو گزشتہ 28 مئی کو گرفتار کیا گیا تھا، جبکہ دوسرے شخص کو بدھ 10 جون کو گرفتار کیا گیا۔ اسی دن اسے جیرونا کی عدالت میں پیش کیا گیا، جہاں دونوں کو جیل بھیجنے کا فیصلہ سنایا گیا۔

دونوں ملزمان پر 16 سال سے کم عمر لڑکیوں پر جنسی حملے، جسم فروشی اور جنسی استحصال کے الزامات ہیں۔ یہ واقعات 2025 کے آخری چھ ماہ (ستمبر سے دسمبر کے درمیان)پیش آئے، جس دوران دونوں ملزمان نے ان تینوں نابالغ لڑکیوں سے رابطہ کیا اور ان کے ساتھ جنسی تعلقات قائم کرنے کے لیے انہیں رقم ادا کی۔

ذرائع کے مطابق، متاثرہ لڑکیاں تین نابالغ بچیاں تھیں جو بظاہر ایک دوسرے کی واقف کار تھیں۔ پولیس ذرائع کا کہنا ہے کہ ‘موسوس’ (پولیس) اب اس کیس کو بند سمجھتی ہے اور مزید کسی گرفتاری کا امکان نہیں ہے۔ 

About The Author

DailyDost

See author's posts