بارسلونا، پارکنگ میں جھگڑے کے دوران ایک شخص کو دھکا دینے پر ریپر موراد کے خلاف دوبارہ شکایت درج
Screenshot
ریپر موراد کے خلاف ایک بار پھر شکایت درج کی گئی ہے۔ بدھ، 17 جون کو ایک شخص نے الزام لگایا کہ بارسلونا کے ایک پارکنگ ایریا میں جھگڑے کے دوران موراد نے اسے دھکا دیا۔
پولیس ذرائع کے مطابق، جھگڑے کی وجہ یہ بنی کہ مبینہ طور پر اس شخص نے موراد کو نسلی گالی دی۔
مزید یہ کہ موراد نے موسوس دِسکوادرا (کاتالان پولیس) کے سامنے اپنی شناخت ظاہر کرنے سے بھی انکار کیا، جس پر پولیس نے ان کے خلاف بدتمیزی اور حکم عدولی کی ایک اور انتظامی شکایت درج کر دی ہے۔ اس نوعیت کے کیس میں عام طور پر جیل کی سزا نہیں ہوتی۔
موراد کے وکیل کا کہنا ہے کہ وہ بھی اس شخص کے خلاف قانونی کارروائی پر غور کر رہے ہیں جس نے مبینہ طور پر انہیں گالی دی۔
یاد رہے کہ موراد ماضی میں مختلف جرائم میں سزا پا چکے ہیں اور 2024 میں کچھ عرصہ جیل بھی گزار چکے ہیں، تاہم وہ اپنی تمام سزائیں مکمل کر چکے ہیں۔
ان کی آخری گرفتاری نومبر 2025 میں اس وقت ہوئی تھی جب انہوں نے عدالت کے حکم کے باوجود اپنے سوتیلے والد کے قریب جانے کی پابندی کی خلاف ورزی کی تھی۔
About The Author
