بارسلونا میں ٹیکسی ڈرائیورز کے لیے 2026 سے بڑا قانون تبدیل، سیٹ بیلٹ لازمی قرار
Screenshot
بارسلونا کی سڑکوں پر ڈرائیونگ کا روزمرہ معمول جلد بڑی تبدیلی سے گزرنے والا ہے، اور اس کا سب سے زیادہ اثر ٹیکسی کے شعبے پر پڑے گا۔
وزراء کی کونسل نے ٹریفک کے عمومی قوانین میں اصلاحات کی منظوری دے دی ہے، جن کا مقصد شہری علاقوں میں سڑکوں کی حفاظت کو بہتر بنانا ہے۔
نئے قوانین کے تحت ایک اہم تبدیلی یہ ہے کہ اب ٹیکسی ڈرائیورز کے لیے سیٹ بیلٹ باندھنا ہر حال میں لازمی ہوگا۔
اب تک شہری حدود میں ڈیوٹی کے دوران انہیں سیٹ بیلٹ نہ باندھنے کی اجازت حاصل تھی، لیکن یکم اکتوبر 2026 سے یہ رعایت مکمل طور پر ختم ہو جائے گی۔ اس کے بعد بارسلونا میں کام کرنے والے تمام ٹیکسی ڈرائیورز کو ہر وقت سیٹ بیلٹ پہننا ہوگی، جیسے دیگر ڈرائیورز پر لازم ہے۔
نئے قانون کے تحت ایک اور بڑی تبدیلی یہ ہے کہ اب پیدل چلنے والوں کے لیے سبز بتی اور گاڑیوں کے لیے جھپکتی پیلی بتی ایک ساتھ نہیں جلیں گی۔
یہ صورتحال خاص طور پر Eixample کے علاقوں میں حادثات کا سبب بنتی رہی ہے، اس لیے اب اسے ختم کیا جا رہا ہے اور سگنل سسٹم کو زیادہ محفوظ بنایا جائے گا۔
نئے قواعد: اسکوٹر، سائیکل اور ڈیلیوری ورکرز
- الیکٹرک اسکوٹر: کم از کم عمر 15 سال مقرر، ہیلمٹ لازمی، خلاف ورزی پر 200 یورو جرمانہ
- رات کے وقت لائٹس اور ریفلیکٹو جیکٹ پہننا ضروری
- ڈیلیوری ورکرز: ہیلمٹ اور ریفلیکٹو جیکٹ لازمی
- سائیکل سوار: سڑک کے درمیان چلیں گے تاکہ بہتر نظر آئیں، گاڑیوں کو ان سے 5 میٹر فاصلہ رکھنا ہوگا
- موٹر سائیکل سوار: بند جوتے پہننا ضروری، شدید ٹریفک میں 30 کلومیٹر فی گھنٹہ تک دائیں کنارے سے گزرنے کی اجازت
اگرچہ زیادہ تر قوانین اکتوبر 2026 سے نافذ ہوں گے، کچھ معاملات میں 2027 کے آخر تک مہلت دی گئی ہے، جیسے اسکوٹر کی لائٹس اور ہیلمٹ کی منظوری۔
لیکن ٹیکسی ڈرائیورز کے لیے سیٹ بیلٹ باندھنے کا وقت اب قریب آ چکا ہے۔
About The Author
