حقیقی دائیں بازو نے جعلی بائیں بازو کو شکست فاش دے دی،اب پیدرو کی بہانہ بازی نہیں چلے گی،گیبریل روفیان

میڈرڈ(دوست نیوز) کانگریس میں ای آر سی کے ترجمان گیبریل روفیان نے ایکستریمادورا کی حالیہ انتخابات میں شکست کے بعد وزیر اعظم پیدرو سانچیز کو خبردار کیا ہے کہ اب وہ یہ دلیل نہیں دے سکتے کہ “الٹرا دائیں بازو آرہا ہے”۔ انہوں نے PSOE کو “جعلی بائیں بازو” قرار دیتے ہوئے شدید تنقید کی۔

روفیان نے سوشل میڈیا پر نتائج کا تجزیہ کرتے ہوئے کہا کہ پاپولر پارٹی (PP) نے جیت حاصل کی، لیکن امیدوارہ ماریا گواردیولا ہار گئی کیونکہ ووکس پارٹی ان کا استعفیٰ مانگے گی، جیسا کہ انتخابی مہم میں اباسکل نے بار بار کہا۔

انہوں نے PSOE پر طنز کرتے ہوئے لکھا: “سچائی یہ ہے کہ ایک حقیقی دائیں بازوکے خلاف جعلی بائیں بازو ناکام ہو جاتا ہے”۔ روفیان نے پیدرو سانچیز سے مطالبہ کیا کہ وہ میڈیا کے سامنے یا تو خود احتسابی کریں یا پھر خاموش رہیں، اور یہ دعویٰ کہ “الٹرا دائیں بازو آرہا ہے” اب عوام پر اثر نہیں کرتا کیونکہ “جب لوگوں کے پاس مستقبل نہیں ہوتا، وہ ماضی کو ووٹ دیتے ہیں، چاہے وہ مصنوعی ہی کیوں نہ ہو”۔

اس کے علاوہ، روفیان نے متحدہ بائیں بازو کی امیدوار ایرین دے میگوئل کی حمایت کا بھی اظہار کیا اور پودیموس اور آئی یو کی انتخابی اتحاد کو “حوصلہ اور یکجہتی” کا اچھا نمونہ قرار دیا۔