سینئر بھارتی اداکار دھرمیندر کا ٹخنہ فریکچر ہوگیا؟

سینئر بالی ووڈ اداکار اور ماضی کے لیجنڈ ہیرو دھرمیندر نے کہا کہ ان کے ٹخنہ فریکچر ہوگیا ہے، امید ہے وہ جلد صحتیاب ہوجائیں گے۔ 

88 سالہ دھرمیندر نے اس حوالے سے اپنے زخمی پاؤں کی ایک تصویر بھی مائیکرو بلاگنگ سائٹ ایکس پر جمعہ کی صبح شیئر کی تھی لیکن اطلاعات کے مطابق جلد ہی اسے ڈیلیٹ کردیا گیا۔

ایک سوشل میڈیا یوزر سے جس نے دن میں ان کی مزاج پرسی کی اس سے گفتگو کے دوران دھرم جی نے کہا فیروز میرے ٹخنے پر فریکچر ہوگیا ہے، تمہاری دعاؤں سے جلد ٹھیک ہوجاؤں گا۔ لیکن دھرم جی نے یہ نہیں بتایا کہ وہ کب اور کہاں زخمی ہوئے۔ 

یاد رہے کہ گزشتہ برس ستمبر میں یہ افوا تھی کہ وہ علاج کے سلسلے میں امریکا میں مقیم ہیں، تاہم بعد میں انہوں نے اس کی تردید کرتے ہوئے کہا تھا کہ وہ تعطیلات پر امریکا میں ہیں۔