کاتالونیا میں خون عطیہ مہم،53تاریخی عمارتیں سرخ روشنیوں سے منور

بارسلونا(دوست نیوز)بارسلونا میں ہفتے کے روز شہر کے 53 فواروں کو سرخ روشنیوں سے منور کیا گیا، جس کا مقصد خون کے عطیے کی مہم کو فروغ دینا تھا۔ یہ اقدام خشک سالی کے بعد پہلی مرتبہ منعقد ہونے والی خون عطیہ ماراتھن کے موقع پر کیا گیا۔ اس کے ساتھ ساتھ پالاؤ دی لا جنرالیتات بارسلونا سٹی کونسل، ساگرادا فامیلیا، نیشنل تھیٹر کاتالونیا سمیت کاتالونیا بھر کے 80 نمایاں اور تاریخی مقامات بھی سرخ رنگ میں روشن کیے گئے۔

اس مہم کا مقصد کرسمس کے بعد خون اور پلازما کے ذخائر میں آنے والی 20 فیصد کمی کو پورا کرنا ہے اور عوام کو عطیات دینے کی جانب راغب کرنا ہے۔

تقریباً 3,000 عطیات جمع ہو چکے ہیں

رواں سال بلڈ اینڈ ٹشو بینک نے پورے کاتالونیا میں 10,000 خون کے عطیات کا ہدف مقرر کیا ہے۔ اس مقصد کے لیے پالاؤ رابرٹ، پالاؤ دے لا میوزیکا کاتالانا، کائیکسا فورم اور شاپنگ سینٹرز لا ماکینستا اور ویسٹ فیلڈ گلوریاس جیسے نمایاں مقامات پر عطیہ مراکز قائم کیے گئے ہیں۔

حکام کے مطابق مہم اچھے انداز میں آگے بڑھ رہی ہے اور ہفتے کے روز تک تقریباً 3,000 خون کے عطیات حاصل کیے جا چکے ہیں۔