اسپین میں سرکاری ملازمین کے لیے 35 گھنٹے ہفتہ وار اوقاتِ کار کی تیاری

اسپین کی حکومت نے ریاستی انتظامیہ کے سرکاری ملازمین کے لیے ہفتہ وار اوقاتِ کار 35 گھنٹے کرنے کے عمل کا آغاز کر دیا ہے۔ وزارتِ فنکشن پبلکا نے ٹریڈ یونینز UGT اور CCOO کو آگاہ کیا ہے کہ اس سلسلے میں نئے قواعد تیار کیے جا رہے ہیں۔

وزارت کے مطابق 10 اور 11 فروری کو مختلف وزارتوں کے ہیومن ریسورسز افسران کے ساتھ اجلاس ہوں گے، جس کے بعد معاملہ یونینز کے ساتھ مذاکرات کے لیے پیش کیا جائے گا۔ یونین ذرائع کا کہنا ہے کہ تمام مراحل مکمل ہونے کے بعد یہ نظام فروری کے آخر یا مارچ میں نافذ ہو سکتا ہے۔

اس اقدام سے دو لاکھ سے زائد سرکاری ملازمین مستفید ہوں گے، تاہم مسلح افواج، سیکیورٹی فورسز اور عدالتی نظام اس فیصلے سے مستثنیٰ رہیں گے۔ یونینز نے حکومتی اقدام کو مثبت قرار دیتے ہوئے اسے طویل عرصے سے کیے گئے وعدے کی طرف واپسی قرار دیا