موبائل ورلڈ کانگریس 2026 میں مصنوعی ذہانت کا غلبہ

بارسلونا /مصنوعی ذہانت (Artificial Intelligence) نے ایک بار پھر موبائل ورلڈ کانگریس 2026 میں مرکزی حیثیت حاصل کر لی ہے۔ اس سال کی نمائش میں خاص طور پر AI سے چلنے والے روبوٹس، اسمارٹ ڈیوائسز اور انسانی شکل والے روبوٹس نمایاں رہے۔

یہ عالمی ٹیکنالوجی میلہ پیر کے روز بارسلونا میں شروع ہوا، جس میں 2,900 نمائش کنندگان اور 1,700 مقررین شریک ہیں۔ اس بار توجہ صرف نظریاتی AI پر نہیں بلکہ اس کے عملی اور جسمانی استعمال پر مرکوز ہے۔

شیاؤمی انڈیا کے نمائندے پرتیک کے مطابق:“پچھلے سال AI زیادہ تر نظریاتی تھا، لیکن اس سال ہم روبوٹکس اور AI کے عملی استعمال کو واضح طور پر دیکھ رہے ہیں۔”

نمائش میں پیش کی جانے والی اہم ٹیکنالوجیز میں شامل ہیں،ایسے روبوٹ جو بغیر اندرونی سینسر کے کام کر سکتے ہیں اور ایک دوسرے سے منسلک ہو سکتے ہیں
روبوٹک بازو والا موبائل فون جو صارف کو پہچان سکتا ہے
فولڈ ہونے والے جدید موبائل ڈیوائسز
تھری ڈی اسکرین والے کمپیوٹرز
ایسے فون جو آپ کے دیکھنے پر خودکار طور پر پرائیویسی موڈ فعال کر دیتے ہیں،یہ روبوٹس مستقبل میں روزمرہ کے کام انجام دینے اور صنعتی عمل کو بہتر بنانے میں مدد کریں گے۔

اندازہ ہے کہ موبائل ورلڈ کانگریس 2026 سے کاتالونیا کی معیشت کو 585 ملین یورو کا فائدہ ہوگا۔

پچھلے سال اس ایونٹ میں 109,000 افراد نے شرکت کی تھی اور اس سال بھی اسی سطح کی شرکت متوقع ہے۔

ماہرین کے مطابق مصنوعی ذہانت اور روبوٹکس کا انقلاب اب حقیقت بن رہا ہے
مستقبل میں “جسمانی AI” (Physical AI) عام ہو جائے گا
تاہم اس بات پر غور ضروری ہے کہ AI انسانوں کے فائدے کے لیے ہو

NTT Docomo کے سینئر منیجر ساتوشی ناگاتا نے کہا:“ہمیں یہ سوچنا ہوگا کہ ہمیں کس قسم کی مصنوعی ذہانت اور روبوٹکس کی ضرورت ہے جو انسانوں کے لیے فائدہ مند ہو۔”

کاتالونیا حکومت نے اس نمائش میں 44 ٹیکنالوجی کمپنیوں اور مراکز کو پیش کیا۔

وزیرِ کاروبار میکیل سامپر نے کہا“ہمیں AI کو انسانوں کی خدمت کے لیے استعمال کرنا چاہیے، نہ کہ انسانوں کو AI کی خدمت میں۔”

انہوں نے یہ بھی بتایا کہ ٹیکنالوجی میں صرف 34٪ کارکن خواتین ہیں اور صرف 20٪ اعلیٰ عہدوں پر خواتین موجود ہیں

بارسلونا کی کمپنی Mática Partners کے مطابق پہلے ایک پروجیکٹ کے لیے بہت زیادہ پروگرامرز درکار ہوتے تھےاب AI ایجنٹس کے ذریعے وہی کام 80٪ کم وقت میں مکمل کیا جا سکتا ہے،یعنی AI انسانوں اور مشینوں کی مشترکہ ٹیموں کو زیادہ مؤثر بنا رہا ہے۔

MediaTek کی نمائندہ خوانیتا پارڈو نے خبردار کیاAI کا استعمال ابھی بھی محدود ہے،یہ ایک “بلبلہ” بھی ہو سکتا ہے،اور اس سے انسان حقیقت سے دور ہو سکتے ہیں

4YFN اسٹارٹ اپ ایونٹ میں 900 سرمایہ کار شریک ہیں,جن کی مجموعی سرمایہ کاری کی صلاحیت 70 ارب یورو ہے،اس سال 56٪ اسٹارٹ اپس AI مصنوعات پیش کر رہے ہیں

چینی ٹیکنالوجی کمپنیوں نے اپنی برتری واضح کی ہے۔

مثال کے طور پراسمارٹ ہوم سسٹمز،ایسا نظام جو گاڑی نکلتے ہی خودکار طور پر،گھر کی لائٹس بند کر دیتا ہے،اور روبوٹ ویکیوم کو فعال کر دیتا ہے،چینی ٹیکنالوجی مارکیٹ کا حجم 14.8 ٹریلین یورو ہے، جو امریکہ سے بھی دوگنا ہے۔