سیہون، پاگل کتوں کے حملے سے 7 بچے زخمی
سیہون کے نواحی گاؤں کرم پور میں پاگل کتوں کی بہتات، 12 گھنٹوں میں پاگل کتوں کے حملے میں 7 بچے زخمی ہوگئے۔
تحصیل سیہون کے نواحی گاؤں کرم پور میں آوارہ کتوں کی بہتات سے علاقے میں شدید خوف و ہراس کی کیفیت طاری ہوگئی ہے۔
علاقہ میں پاگل کتوں نے ایک ہی دن میں 12 گھنٹوں کے دوران راہگیر بچوں پر حملے کرکے 7 بچوں کو زخمی کردیا۔
بچوں کو طبی امداد کے لیے اسپتال منتقل کردیا گیا ہے۔
علاقہ مکینوں نے یونین کونسل چنہ کی انتظامیہ سے پاگل کتوں کو تلف کرنے کا مطالبہ کیا ہے۔
