بارسلونا میں ریگولرائزیشن عمل: 47 ہزار سے زائد مہاجرین کو خدمات فراہم کی ہیں

بارسلونا کی سٹی کونسل نے غیر معمولی ریگولرائزیشن کے عمل کے آغاز سے اب تک 47 ہزار سے زائد مہاجرین کو سہولیات فراہم کی ہیں، جو کہ صرف 11 دن پہلے کے مقابلے میں 20 ہزار زیادہ ہیں۔

اس دوران تقریباً 29 ہزار 800 افراد کو کمزوری (vulnerability) کے سرٹیفکیٹس جاری کیے گئے، جبکہ لگ بھگ 2 ہزار افراد کو ان کے انفرادی کیسز کے حوالے سے قانونی مشاورت فراہم کی گئی۔

رہائشی اندراج (پادرون) کے سلسلے میں 1 لاکھ 75 ہزار 440 عارضی دستاویزات (volants) اور 77 ہزار رجسٹریشن سرٹیفکیٹس جاری کیے گئے۔

دوسری جانب مونتجوئیک میں واقع فیرا دی بارسلونا کے پویلین 2 میں خدمات کے اوقات میں تبدیلی کا اعلان کیا گیا ہے، جو 26 مئی سے صبح 8 بجے سے رات 8:30 بجے تک محدود ہوں گے۔ اب تک یہاں تقریباً 18 ہزار ٹوکن جاری کیے جا چکے ہیں اور 4 ہزار سے زائد افراد اس سہولت سے فائدہ اٹھا چکے ہیں، جن میں سے تقریباً نصف کو قانونی رہنمائی بھی دی گئی۔

آئندہ ہفتے سے کچھ خدمات میکیل بلیچ سینٹر منتقل کر دی جائیں گی، جبکہ سانت میکئیل اور مونومنٹال کے شہری دفاتر میں ریگولرائزیشن سے متعلق سروس بند کر دی جائے گی، جہاں اپریل کے آخر میں طویل قطاروں اور کشیدگی کے واقعات پیش آئے تھے