پوپ لیو بارسلوناکی آمد: موسوس پولیس نے شہریوں سے سفر پہلے سے پلان کرنے کی اپیل کر دی

کاتالونیا کی پولیس موسوس پولیس نے شہریوں سے اپیل کی ہے کہ وہ پوپ لیو کی بارسلونا آمد کے دوران اپنے سفر کی پیشگی منصوبہ بندی کریں۔ اس موقع پر 5,600 اہلکاروں پر مشتمل ایک بڑا سیکیورٹی آپریشن ترتیب دیا گیا ہے، جسے حالیہ برسوں کے سب سے بڑے انتظامات میں سے ایک قرار دیا جا رہا ہے۔

اس سیکیورٹی منصوبے کو “Albus” (لاطینی میں سفید) کا نام دیا گیا ہے۔ آپریشن کے کوآرڈینیٹر، انٹنڈنٹ جوان سلامانیا کے مطابق، اس میں پولیس کی تقریباً تمام خصوصی یونٹس شامل ہیں، جیسے ٹریفک پولیس، کینائن یونٹ، بم ڈسپوزل (TEDAX) اور زیرِ زمین نگرانی کرنے والے ماہرین۔

سخت سیکیورٹی اور نقل و حرکت کے مسائل

سلامانیا کے مطابق یہ ایک پیچیدہ آپریشن ہے، کیونکہ نہ صرف اہم شخصیات کی حفاظت یقینی بنانی ہے بلکہ بڑے اجتماعات جیسے اولمپک اسٹیڈیم میں تقریب اور ساگرادافیمیلیا میں ہونے والی عبادت بھی شامل ہے۔

انہوں نے خبردار کیا کہ ان دنوں ٹریفک اور نقل و حرکت کے مسائل ضرور پیش آئیں گے، اس لیے شہری پبلک ٹرانسپورٹ استعمال کریں اور خبروں کے ذریعے اپڈیٹ رہیں۔

پولیس کی بھاری موجودگی

ان دنوں شہر میں پولیس کی بڑی تعداد موجود ہوگی اور مختلف علاقوں، خاص طور پر ایل راوال اور ساگرادا فامیلیا کے اطراف سخت سیکیورٹی چیکنگ کی جائے گی۔

اسی دوران 9 جون کو ہونے والی تعلیمی ہڑتال کے بارے میں حکام نے کہا ہے کہ وہ احتیاط اور مکالمے کے ذریعے دونوں معاملات کو سنبھالنے کی کوشش کریں گے۔

سیکیورٹی پلان کے مراحل

یہ آپریشن چار مراحل پر مشتمل ہے:

• پہلا مرحلہ: پیشگی تیاری (مکمل ہو چکا)
• دوسرا مرحلہ: الرٹ (فی الحال جاری)
• تیسرا مرحلہ: 9 سے 11 جون تک مکمل ہائی الرٹ
• چوتھا مرحلہ: پوپ کی روانگی کے بعد معمول کی بحالی

پولیس کے مطابق دہشت گردی کے خطرے کی سطح بدستور 5 میں سے 4 (مزید سخت) برقرار ہے۔

About The Author