اب لامین یامال ہسپانوی نہیں رہا،سوشل میڈیا پر ہوپانوی عوام کے تبصرے

کسی کو “ہوا کھانے بھیج دینا” جیسا روایتی جملہ اب پرانا ہوتا جا رہا ہے۔ زبان بدلتی ہے، وقت بھی بدلتا ہے، اور رودالیز ٹرین کے X (ٹوئٹر) اکاؤنٹ نے ایک مسافر خاتون کو جواب دیتے ہوئے حال ہی میں ہمیں یہی بات کہنے کا ایک نیا دلچسپ انداز دے دیا ہے۔ نوٹ کر لیں
“صبح بخیر، گرانوئییرز سے مانلیو جانے کے لیے آپ کو پہلے سانتس جانا ہوگا، وہاں سے فابرا ای پوئیج تک ٹرین لیں، پھر لا گاریگا تک بس پکڑیں، پھر وِک تک سفر جاری رکھیں اور آخر میں مانلیو جانے کے لیے دوبارہ بس لیں۔”

صرف 56 کلومیٹر کے فاصلے کے لیے یہ ایک عجیب و غریب چکر دار سفر ہے، جسے لوگوں نے فوراً اپنا لیا۔ @Jimvill نے بھی اسے استعمال کرتے ہوئے “Universitarios Católicos” کو جواب دیا، جنہوں نے لامین یامال کی اس تصویر پر، جس میں وہ سعودی عرب کے خلاف گول کرنے کے بعد اسلامی انداز میں سجدہ کر رہا ہے، لکھا تھا:
“ہم لامین یامال کی ہدایت کے لیے دعا کریں۔”

یہ بات تو معمولی تھی۔ کچھ لوگ تو اس سے بھی آگے نکل گئے
“اسپین عیسائی ہے، مسلمان نہیں”،
“وہ ہسپانوی نہیں ہے اور کسی معزز انسان کی تعریف کا مستحق بھی نہیں۔”

2019 کے بعد، جب “پروسس” کی گونج باقی تھی اور کاسادو اور ریویرا ایک دوسرے سے زیادہ قوم پرست دکھنے کی کوشش کر رہے تھے، اتنی شدت کی “ہسپانویت” شاید ہی دیکھی گئی ہو۔

ایک اور صارف لکھتا ہے“یہ کافی نہیں تھا کہ ہم ایک مراکشی کے ساتھ کھیل رہے ہیں، اب ہمیں یہ سب بھی برداشت کرنا پڑے گا ایک ایسی قوم میں جو دنیا کی سب سے بڑی کیتھولک ریاست ہے۔ لامین ہسپانوی نہیں ہے اور کبھی نہیں ہوگا۔”

پتہ نہیں، لیکن سیوتا اور میلیا میں اسلام سب سے زیادہ مانا جانے والا مذہب ہے۔ شاید یہ صارف انہیں بیچ دینا چاہے۔

لامین یامال کے لیے یہ بھی کافی نہیں کہ وہ میچ کے بعد “زندہ باد اسپین” کہتا ہوا ویڈیو بنائے۔ ہاں، اس کا ایک فائدہ ضرور ہوا۔کچھ کاتالان علیحدگی پسندوں نے اس کی کاتالان شناخت ہی ماننے سے انکار کر دیا۔

وہ اس اسلاموفوبیا سے بھی نہیں بچ سکا جس میں نسل پرستی کی آمیزش ہے۔ مگر بات یہ ہے کہ اس کے ساتھی مارکوس یورینتے نے ہسپانوی ہونے کا معیار ہی مشکل بنا دیا تھا۔ وہ کہتا ہے“جو بھی دی لا فوئنتے یا قومی ٹیم کے ساتھ نہیں، وہ ہسپانوی نہیں ہے۔”

پھر کچھ لوگ خود ہی الجھ جاتے ہیں۔ ایک اکاؤنٹ جو خود کو “Gulerismo” کہتا ہے (جو ترک اور مسلمان کھلاڑی اردا گولر کا مداح ہے) لامین یامال کو اللہ کا شکر ادا کرنے پر تنقید کرتا ہے۔
سیاسی جماعت ووکس کی نوجوان تنظیم “Revuelta” کے نزدیک جارجیا میں پیدا ہونے والا فائٹر ایلیا ٹوپوریا زیادہ ہسپانوی ہے، جبکہ لامین، جو اسپلوگس دے یوبریگات میں پیدا ہوا اور ماتارو میں پلا بڑھا، نہیں۔
کیوں؟ کیونکہ لامین میں “وابستگی کا احساس” کم ہے…

یہ تضاد مزید بڑھ جاتا ہے ان لوگوں کے ساتھ جو کاتالان علیحدگی پسندوں سے کہتے ہیں“تمہارے شناختی کارڈ میں کیا لکھا ہے؟”، مگر لامین یامال کے معاملے میں شناختی کارڈ کی کوئی اہمیت نہیں رہتی۔ گویا “شناختی کارڈ” اب Schrödinger کی بلی بن گیا ہے۔

ایک لمحہ لگتا ہے کہ کھلاڑی پلٹتا ہے، جیسے وہ رودالیز ٹرین والا سفر، اور اچانک لامین یامال میں “ہسپانویت” کے آثار نظر آتے ہیں۔ ایک صحافی اس سے پوچھتا ہے:

– تمہیں کس چیز سے ڈر لگتا ہے؟
– میری ماں اور میری ساتھی سے۔

یہ عام گھریلو انداز، بنیان پہنے، دانتوں میں خلال دبائے مردوں جیسا جواب، کچھ لوگوں کو بہت “ہسپانوی” لگا۔ مگر یہ بھی ایک غلط فہمی نکلی۔

لامین یامال ہمیں پسند نہیں آتا جب اس کے بال “سپگیٹی” جیسے ہوتے ہیں، جب وہ فلسطینی پرچم لہراتا ہے، جب وہ دعا کرتا ہے۔
کیونکہ وہ ہر گول ایک ہی طرح کرتا ہے، کیونکہ اس کے جوتوں پر گنی (ماں کا ملک) اور مراکش (باپ کا ملک) کے جھنڈے بنے ہیں، کیونکہ وہ کاتالان ہے، کیونکہ وہ نہیں ہے، کیونکہ وہ ہسپانوی ہے، کیونکہ وہ نہیں ہے۔

دیکھیں… بات سادہ ہے “صبح بخیر، گرانوئییرز سے مانلیو جانے کے لیے آپ کو پہلے سانتس جانا ہوگا…”