کاتالونیا میں شدید گرمی سے 130 اموات، زیادہ تر بزرگ افراد متاثر

کاتالونیا میں 21 جون سے 25 جون کے درمیان شدید گرمی کی لہر کے باعث درجہ حرارت 43 ڈگری سینٹی گریڈ تک پہنچ گیا، جس کے نتیجے میں 130 افراد جان کی بازی ہار گئے۔

کارلوس سوم ہیلتھ انسٹی ٹیوٹ کے روزانہ اموات کی نگرانی کے نظام (MoMo) کے مطابق، جون کے پہلے تین ہفتوں میں صرف 12 اموات ریکارڈ کی گئی تھیں، لیکن گرمی کی شدت بڑھنے کے بعد اموات میں غیر معمولی اضافہ ہوا۔

ان 130 اموات میں سے 76 افراد کی عمر 85 سال یا اس سے زیادہ تھی، جو کل تعداد کا نصف سے بھی زیادہ بنتی ہے۔

ادارے کے مطابق اپنے 11 سالہ ریکارڈ میں جون کے مہینے میں اتنی زیادہ اموات پہلی بار دیکھی گئی ہیں۔

پورے اسپین میں اسی ہفتے کے دوران گرمی کے باعث مجموعی طور پر 626 افراد ہلاک ہوئے۔

یہ شدید گرمی کی لہر 21 جون کو شروع ہوئی، جب درجہ حرارت 40 سے 43 ڈگری سینٹی گریڈ کے درمیان ریکارڈ کیا گیا، جو 23 جون (سانت خوان) سے پہلے ریکارڈ کیے جانے والے دوسرے بلند ترین درجہ حرارت ہیں۔