نوجوت سنگھ سدھو کا وفد کے ہمراہ دربار بابا گرو نانک کرتار پور کا دورہ
سابق بھارتی کرکٹر نوجوت سنگھ سدھو نے 35 رکنی وفد کے ہمراہ دربار بابا گرو نانک کرتار پور کا دورہ کیا، ماتھا ٹیکا اور عبادات میں شرکت کی۔
نوجوت سنگھ سدھو کا کہنا تھا کہ پاکستان میں سکھ یاتریوں کو پلکوں پر بٹھایا جاتا ہے، مہمان نوازی لفظوں میں بیان نہیں ہو سکتی۔
انہوں نے کہا کہ جنگ کسی مسئلے کا حل نہیں، مذاکرات کی میز پر معاملات حل کرنے چاہئیں۔
عالمی شہرت یافتہ سابق بھارتی کرکٹر نے مزید کہا کہ فلسطین میں ننھے بچوں اور عورتوں کو نشانہ بنایا جا رہا ہے، تنازعات کے خاتمے اور عالمی امن کے لیے مضبوط اقوام متحدہ ضروری ہے۔
