جمال شاہ نے سندھ میں یونیورسٹی آف آرٹس اینڈ کلچر کا افتتاح کر دیا
نگران وفاقی وزیر برائے قومی ورثہ و ثقافت جمال شاہ نے جامشورو، سندھ میں یونیورسٹی آف آرٹس اینڈ کلچر کا باقاعدہ افتتاح کر دیا۔
افتتاحی تقریب سے خطاب کرتے ہوئے انہوں نے کہا ’میں نئی قائم ہونے والی یونیورسٹی آف آرٹس اینڈ کلچر میں سہولیات دیکھ کر بہت خوش ہوں،‘ انہوں نے ملک کے فنون اور ثقافت کے فروغ میں یونیورسٹی کے کردار کو سراہا۔
وفاقی وزیر نے کہا کہ یونیورسٹی کو داخلوں کی تعداد بڑھانے اور اسے مفید تعلیمی ادارہ بنانے کی ضرورت ہے۔
انہوں نے مزید کہا کہ وفاقی حکومت اس سلسلے میں یونیورسٹی کے ساتھ تعاون کے لیے تیار ہے۔
اس موقع پر ڈی جی پی این سی اے محمد ایوب جمالی، یونیورسٹی کے وائس چانسلر اور فیکلٹی ممبران بھی موجود تھے۔
انہیں یقین تھا کہ یہ یونیورسٹی سندھ میں لاکھوں طلبہ کو فن اور ثقافت کی تعلیم سے آراستہ کرکے انقلاب لائے گی۔
قبل ازیں وائس چانسلر نے وفاقی وزیر کو اس یونیورسٹی کے مختلف پہلوؤں سے آگاہ کیا۔
