کراچی کنگز کا ملتان کیخلاف ٹاس جیت کر فیلڈنگ کا فیصلہ
پاکستان سپر لیگ (پی ایس ایل) کے نویں ایڈیشن کے تیسرے میچ میں کراچی کنگز نے ملتان سلطانز کے خلاف ٹاس جیت کر پہلے فیلڈنگ کرنے کا فیصلہ کرلیا۔
ملتان میں کھیلے جا رہے میچ میں کراچی کنگز کے کپتان شان مسعود نے ٹاس جیت کر ملتان سلطانز کو بیٹنگ کی دعوت دے دی۔
اس سے قبل پاکستان سپر لیگ (پی ایس ایل) 9 میں کوئٹہ گلیڈی ایٹرز نے فاتحانہ آغاز کرتے ہوئے لیگ کے دوسرے میچ میں پشاور زلمی کو 16 رنز سے ہرادیا۔
اس میچ میں کوئٹہ گلیڈی ایٹرز کے 207 رنز کے ہدف کے تعاقب میں پشاور زلمی کی ٹیم مقررہ 20 اوورز میں 6 وکٹوں پر 190 رنز بناسکی، بابر اعظم 68 رنز بناکر نمایاں رہے۔
