Screenshot
میڈرڈ: ہسپانوی ٹیلی کمیونیکیشن کمپنی ٹیلیفونیکا، جو اپنی برانڈ موویستار کے ذریعے 2030 تک ہسپانوی فٹبال ٹیموں کی اسپانسر ہے، فٹبال ورلڈ کپ 2026 کے فائنل میں ہسپانوی مردوں کی ٹیم کی حمایت کے اظہار کے طور پر میڈرڈ کی گران ویا پر واقع اپنے مرکزی دفتر کو سرخ رنگ کی روشنی سے روشن کرے گی۔
یہ فائنل اتوار کو امریکہ کی ریاست نیو جرسی کے میٹ لائف اسٹیڈیم میں کھیلا جائے گا۔ ہفتے کے روز رات 9:15 سے 11:59 تک اور اتوار کو میچ کے دوران رات 9 بجے سے یہ تاریخی عمارت، جو 87 میٹر بلند ہے، سرخ رنگ میں جگمگائے گی تاکہ ‘لا روخا’ (ہسپانوی ٹیم) کی حوصلہ افزائی کی جا سکے، جو اس میچ میں ارجنٹینا کے خلاف میدان میں اترے گی۔
ٹیلیفونیکا کے مطابق، اس موقع پر موویسٹار کا لوگو بھی عارضی طور پر اپنے روایتی نیلے رنگ کے بجائے سرخ رنگ میں نظر آئے گا، جو ٹیم کی حمایت کا اظہار ہوگا۔ کمپنی نے یہ بھی بتایا کہ اس سے قبل بھی مختلف اقدامات کیے گئے ہیں، جیسے موبائل نیٹ ورک پر “ConLaSelección” کا شناختی پیغام، جو 7 جولائی سے لاکھوں صارفین کو نظر آ رہا ہے۔
شائقین میچ کو پلازا دے کولون میں موویسٹار کے خصوصی مقام پر بڑی اسکرین پر دیکھ سکیں گے، جبکہ موویسٹار ایرینا میں بھی 15 ہزار تک افراد کے لیے بڑی اسکرین پر میچ دیکھنے کا انتظام کیا گیا ہے۔ اس کے علاوہ، “ایسپاسیو موویسٹار” میں بھی شائقین کے لیے ایک خصوصی جگہ فراہم کی جائے گی جہاں وہ فائنل کا لطف اٹھا سکیں گے۔
