سوئٹزرلینڈ کے اسکی ریزورٹ کرانس مونٹانا ریسٹورنٹ میں دھماکے کے بعد ہلاکتیں اور متعدد زخمی
کینٹن ویلے (جنوبی سوئٹزرلینڈ) کے معروف اسکی ریزورٹ کرانس مونٹانا میں واقع ریسٹورنٹ ‘لے کونستیلاسیون’ میں آگ لگنے اور زور دار دھماکے کے نتیجے میں کئی افراد ہلاک اور متعدد زخمی ہو گئے ہیں۔ مقامی سوئس ذرائع کے مطابق واقعہ یکم جنوری 2026 کی صبح پیش آیا۔
ابتدائی اطلاعات کے مطابق دھماکے نے ریسٹورنٹ کے ایک حصے کو شدید نقصان پہنچایا، جس کے بعد آگ بھڑک اٹھی۔ پولیس اور ریسکیو ٹیمیں فوری طور پر موقع پر پہنچ گئیں اور زخمیوں کو قریبی اسپتالوں میں منتقل کیا گیا۔ علاقے کو گھیرے میں لے کر سیکیورٹی سخت کر دی گئی ہے۔
سوئس پولیس کا کہنا ہے کہ ہلاکتوں اور زخمیوں کی حتمی تعداد کی تصدیق جاری ہے، جبکہ دھماکے اور آتش زدگی کی وجوہات جاننے کے لیے تحقیقات شروع کر دی گئی ہیں۔ عینی شاہدین کے مطابق دھماکا اتنا شدید تھا کہ قریبی عمارتوں میں بھی اس کی آواز سنی گئی۔
حکام نے عوام سے اپیل کی ہے کہ وہ متاثرہ علاقے سے دور رہیں اور صرف مصدقہ اطلاعات پر ہی اعتماد کریں۔ واقعے سے کرانس مونٹانا کے سیاحتی حلقوں میں تشویش پائی جاتی ہے، کیونکہ یہ علاقہ نئے سال کے موقع پر غیر معمولی رش کا مرکز ہوتا ہے۔
About The Author
