اسپین نے برف کی چادر اوڑھ لی،ان علاقوں میں بھی برف باری یہاں عموما برف باری نہیں ہوتی
میڈرڈ(دوست نیوز)اسپین کے بیشتر حصوں میں برف باری، 4 سے 10 سینٹی میٹر تک برف جمع، شام کے وقت بعض علاقوں میں مزید برف پڑنے کا امکان
ملک کے مختلف علاقوں میں ہونے والی برف باری کے باعث کئی مقامات پر 4 سے 10 سینٹی میٹر تک برف جمع ہو گئی ہے، جبکہ بعض علاقوں میں شام کے وقت مزید برف باری یا تیز جھکڑ چلنے کا امکان ظاہر کیا جا رہا ہے۔ مجموعی طور پر کوئی بڑا ہنگامی واقعہ پیش نہیں آیا، البتہ صبح کے وقت موٹر وے A-2 پر دو ٹریفک حادثات کے باعث آمدورفت متاثر رہی۔ اس وقت برف کی وجہ سے کوئی مرکزی سڑک بند نہیں۔
- برف باری کے نتیجے میں وسطی کاتالونیا، لیلیدا کے میدانی علاقے، تیراس دے لیئبرے اور کیمپ دے تاراگونا کے کئی حصے سفید چادر اوڑھ گئے۔
- اس وقت بارش اور برف باری کا سلسلہ بارسلونا کے ساحلی اور مضافاتی علاقوں تک محدود ہے، جہاں تقریباً 400 میٹر کی بلندی پر بھی برف دیکھی گئی۔
- زنجیروں یا برفانی ٹائروں کی ضرورت نہیں اور کسی بڑی شاہراہ کو بند نہیں کیا گیا، تاہم لیلیدا کے بعض مقامی راستے متاثر ہیں۔
عیدِ شاہان (Reis) سے ایک روز قبل پیر کے روز کاتالونیا میں برف باری ہوئی، جس کے نتیجے میں نشیبی علاقوں میں عمومی طور پر 3 سے 4 سینٹی میٹر تک برف جمی، جبکہ بعض مقامات پر مقامی طور پر یہ مقدار 10 سینٹی میٹر سے بھی تجاوز کر گئی۔
برفانی ہوائیں لیلیدا کے میدانی علاقوں اور تیراس دے لیئبرے سے داخل ہوئیں اور کیمپ دے تاراگونا اور وسطی کاتالونیا کے ان علاقوں تک بھی پہنچیں جہاں عموماً برف نہیں پڑتی۔
پروٹیکشن سیول کے مطابق صورتحال قابو میں ہے، تاہم گاڑیوں کی آمدورفت میں احتیاط برتنے کی ہدایت کی گئی ہے کیونکہ شدید سردی کے باعث سڑکوں پر برف جمنے سے پھسلن پیدا ہو سکتی ہے۔
تاراگونا شہر میں بھی برف کے گالے گرتے دیکھے گئے، جو ایک غیر معمولی منظر ہے، اسی طرح ریئوس میں بھی برف باری ریکارڈ کی گئی۔
محکمۂ موسمیات کاتالونیا کے مطابق سب سے زیادہ 10 سینٹی میٹر برف روکایاؤرا (637 میٹر) میں پڑی،
About The Author
