اسپین،نومبر میں گھروں کی خرید و فروخت میں 7.1 فیصد اضافہ

بارسلونا(دوست نیوز)اسپین میں نومبر 2025 کے دوران جائیداد کی خرید و فروخت میں نمایاں اضافہ ریکارڈ کیا گیا۔ رجسٹرارز کے کالج کی جانب سے جاری کردہ عارضی اعداد و شمار کے مطابق اس مہینے مجموعی طور پر تقریباً ایک لاکھ 14 ہزار 750 جائیدادوں کی خرید و فروخت ہوئی، جو نومبر 2024 کے مقابلے میں 8.1 فیصد زیادہ ہے

اسی دوران مارگیج کی تعداد میں بھی اضافہ جاری رہا۔ رہائشی مکانات پر مارگیج 10.6 فیصد بڑھے اور یہ مسلسل 17ویں ماہ اضافہ ہے۔ بیشتر خود مختار علاقوں میں خرید و فروخت اور مارگیج دونوں میں اضافہ ریکارڈ کیا گیا، خاص طور پر میلیا، کانتابریا اور مرسیا نمایاں رہے، جبکہ میڈرڈ اور چند دیگر علاقوں میں کمی دیکھی گئی۔

مجموعی طور پر اندلس، کاتالونیا اور ویلنسیا خرید و فروخت اور مارگیج دونوں میں سرفہرست رہے۔