آشا بھوسلے کا امیت شاہ کیلئے ’ابھی نہ جاؤ چھوڑ کر‘ سوشل میڈیا پر چھا گیا
بالی ووڈ کی لیجنڈری گلوکارہ آشا بھوسلے نے وزیر داخلہ امیت شاہ کے لیے ’ابھی نہ جاؤ چھوڑ کر‘ گایا جس کی ویڈیو وائرل ہوگئی۔
سوشل میڈیا کے مختلف پلیٹ فارمز پر سینئر گلوکارہ آشا بھوسلے اور بھارتی وزیر داخلہ امیت شاہ کی ممبئی میں ہونے والی ملاقات سے ایک ویڈیو وائرل ہو رہی ہے۔
اس ویڈیو میں ان دونوں کو ایک صوفے پر بیٹھے ہوئے دیکھا جاسکتا ہے، آشا جی نے اس موقع پر پھولوں والی کریم کی ساڑھی پہن رکھی ہے۔
اس ملاقات کے دوران آشا بھوسلے نے وزیر داخلہ امیت شاہ کے لیے 1961 میں ریلیز ہونے والی فلم ’ہم دونوں‘ کا مشہور گانا ’ ابھی نہ جاؤچھوڑ کر‘ پیش کیا۔
آشا بھوسلے نے سوشل میڈیا پر وائرل ہونے والے اس کلپ اور ملاقات کی چند تصاویر اپنے انسٹاگرام اکاؤنٹ سے اسٹوری میں بھی شیئر کیا۔
اس ملاقات میں آشا بھوسلے کے ہمراہ ان کی پوتی اور گلوکارہ زنائی بھوسلے بھی موجود تھیں، انہوں نے اس دن کو بہترین دن قرار دیا۔
