سابق وزیرِاعظم ژاپاتیروسینیٹ کی تحقیقاتی کمیٹی میں طلب

میڈرڈ: اسپین کی اپوزیشن جماعت Partido Popular (پی پی) نے سابق وزیرِاعظم ژاپاتیروکو سینیٹ کی تحقیقاتی کمیٹی میں طلب کرنے کی تاریخ مقرر کر دی ہے۔ وہ 2 مارچ کو “پلس الٹرا” ایئرلائن کے حکومتی ریسکیو سے متعلق مبینہ بدعنوانی اور وینزویلا کے ساتھ ممکنہ روابط پر بیان دیں گے۔

پی پی کی سینیٹ میں ترجمان Alicia García نے اعلان کیا کہ سابق وزیرِاعظم کو اس معاملے پر جواب دینا ہوگا، جسے اپوزیشن نے پی ایس او ای اور وینزویلا کے صدر Nicolás Maduro کی حکومت کے لیے “مشکوک مالی مفاد” قرار دیا ہے۔

پی پی کے مطابق، سینیٹ کی “کولدو کمیشن” اس ایئرلائن کو دی گئی مالی امداد سے متعلق تمام سیاسی، مالی اور سفارتی فیصلوں کا جائزہ لے گی۔ کمیٹی اس بات کی بھی تحقیقات کر رہی ہے کہ آیا اس ریسکیو کے نتیجے میں کسی کو ذاتی یا سیاسی فائدہ پہنچا۔

یاد رہے کہ “پلس الٹرا” ایئرلائن کو کورونا وبا کے دوران حکومتی فنڈ سے تقریباً 53 ملین یورو کی مالی امداد دی گئی تھی، جس کے بعد اس فیصلے پر سیاسی تنازع پیدا ہو گیا۔

پی پی کی جانب سے یہ طلبی ایک وسیع سیاسی مہم کا حصہ ہے، کیونکہ سینیٹ میں اس جماعت کو اکثریت حاصل ہے اور وہ اس معاملے کی مکمل تحقیقات کر رہی ہے۔