حکومت کے اتحادی جنگ سے متعلق جاری 5 ارب یورو کے پیکج پر تذبذب کا شکار، دباؤ میں اضافہ
Screenshot
ہسپانوی وزیراعظم پیدروسانچز کی جانب سے ایران کی جنگ کے اثرات سے نمٹنے کے لیے پیش کیے گئے ریئل ڈکری (حکومتی فرمان) کے بارے میں ان کا اعتماد اب پارلیمانی حقیقت سے ٹکرا رہا ہے۔ جمعرات کو ہونے والی ووٹنگ سے چند دن پہلے تک بھی حکومت کے اکثر اتحادی اپنے ووٹ کی تصدیق نہیں کر رہے، جس سے حکومت پر دباؤ بڑھ گیا ہے۔ صرف اسکیراریپبلیکانا دی کاتالونیا نے واضح کیا ہے کہ وہ اس منصوبے کی حمایت کرے گی، جبکہ پودیموس نے اعلان کیا ہے کہ وہ ووٹنگ میں غیر جانبدار رہے گی۔
دوسری جانب پاپولر پارٹی نے بھی ابھی تک اپنے حتمی مؤقف کا اعلان نہیں کیا، تاہم انہوں نے اس امکان کو رد نہیں کیا کہ وہ اس ڈکری کے حق میں ووٹ دے سکتے ہیں، حالانکہ ان کا کہنا ہے کہ یہ اقدامات “دیر سے” کیے گئے ہیں۔
حکومت کو اس بل کی منظوری کے لیے دیگر اتحادی جماعتوں جیسے، جنتس پر کاتالونیا،بلدو، Partido Nacionalista Vasco اور Bloque Nacionalista Galego کی حمایت درکار ہے، مگر یہ سب جماعتیں تاحال اپنا فیصلہ واضح نہیں کر رہیں۔ یہ صورتحال حکومت کے لیے غیر یقینی پیدا کر رہی ہے، کیونکہ یہ ڈکری کسی بھی جماعت کو مکمل طور پر مطمئن نہیں کر سکا۔
یہ 5 ارب یورو کا پیکج ٹیکس میں کمی اور عوامی ریلیف کے اقدامات پر مشتمل ہے، جسے حکومت نے حالیہ وزارتی اجلاس میں منظور کیا۔ تاہم بائیں بازو کی جماعتوں کو اس میں شامل ٹیکس میں کمی پر اعتراض ہے، ان کے مطابق اس سے بڑی کمپنیوں کو زیادہ فائدہ ہوگا۔
اسی دوران، حزب اختلاف کی بڑی جماعت پی پی بھی ایک ممکنہ راستہ فراہم کر سکتی ہے، جیسا کہ ماضی میں بحرانوں کے دوران ہوتا رہا ہے۔ تاہم وہ بھی فی الحال اپنے فیصلے کو خفیہ رکھے ہوئے ہیں۔
یوں، جمعرات کی ووٹنگ سے قبل حکومت کو پارلیمنٹ میں نمبرز پورے کرنے کے لیے سخت سیاسی جوڑ توڑ کا سامنا ہے۔
About The Author
