وِگ کے نیچے کیمرہ اور کان میں خفیہ آلہ لگا کر ڈرائیونگ لائسنس کے امتحان میں نقل کرتے ہوئے شخص رنگے ہاتھوں پکڑا گیا
Screenshot
ایک شخص کو اس وقت رنگے ہاتھوں پکڑ لیا گیا جب وہ ڈرائیونگ لائسنس کی بحالی کے تحریری امتحان میں نقل کرنے کے لیے وِگ (نقلی بالوں) کے نیچے خفیہ کیمرہ اور کان میں چھوٹا سا آلہ (پنگانیلو) استعمال کر رہا تھا۔ اس خلاف ورزی پر اسے 500 یورو جرمانہ اور چھ ماہ تک کسی بھی امتحان میں شرکت پر پابندی کا سامنا ہے۔
یہ واقعہ 11 مئی کی صبح پیش آیا، جب 54 سالہ چینی نژاد شخص، جو اوویئدو میں رہائش پذیر ہے، ٹریفک ہیڈکوارٹر کے امتحانی ہال میں اپنا امتحان دے رہا تھا۔ ٹریفک تحقیقاتی یونٹ (GIAT) کے اہلکاروں کو اس کے لباس اور رویے پر شک ہوا۔
امتحان کے دوران مداخلت سے بچنے کے لیے اہلکاروں نے امتحان ختم ہونے کا انتظار کیا۔ بعد میں تلاشی لینے پر معلوم ہوا کہ اس نے بڑی مہارت سے آلات چھپا رکھے تھے۔ وِگ کے نیچے ایک مائیکرو کیمرہ، ٹرانسمیٹر اور اسمارٹ فون موجود تھا جو باہر سے رابطہ قائم کر رہا تھا۔
مزید یہ کہ اس کے کان میں ایک چھوٹا سا خفیہ آلہ نصب تھا جس کے ذریعے اسے امتحان کے جوابات براہِ راست فراہم کیے جا رہے تھے۔ بتایا گیا ہے کہ اسے بولنے میں تو مہارت تھی مگر ہسپانوی زبان پڑھنے میں دشواری پیش آتی تھی۔
اس طرح کی حرکت کو ٹریفک قوانین کے تحت سنگین خلاف ورزی قرار دیا جاتا ہے۔ اس کے نتیجے میں:
- 500 یورو جرمانہ
- امتحان میں فوری ناکامی
- 6 ماہ تک کسی بھی نئے امتحان میں شرکت پر پابندی
حکام کے مطابق مارچ 2024 سے اب تک ایسے 20 غیر قانونی کمیونیکیشن ڈیوائسز مختلف امتحانات میں پکڑے جا چکے ہیں، جو ٹریفک حکام اور گواردیا سول پولیس کے مشترکہ آپریشنز کا نتیجہ ہے۔
About The Author
