امریکہ ایران جنگ، دس میں سے آٹھ ہسپانوی شہری پریشان،پیدروسانچز کے ردعمل کو مثبت لیا جارہا ہے
Screenshot
ایران میں جاری جنگ کے حوالے سے اسپین کے عوام میں تشویش بڑھ گئی ہے، جبکہ وزیرِاعظم پیدروسانچز کے ردعمل کو بھی بڑی حد تک مثبت قرار دیا جا رہا ہے۔
مرکزِ تحقیق برائے سماجیات (CIS) کے اپریل 2026 کے بارومیٹر کے مطابق، ہر 10 میں سے 8 ہسپانوی شہری اس جنگ پر فکرمند ہیں اور اسے اپنی ذاتی زندگی پر اثر انداز ہونے والا اور عالمی امن کے لیے بڑا خطرہ سمجھتے ہیں۔ تفصیل کے مطابق 29.1 فیصد افراد شدید، 39.3 فیصد کافی اور 15.5 فیصد کسی حد تک پریشان ہیں، جبکہ صرف 7.3 فیصد کم اور 6.2 فیصد بالکل پریشان نہیں ہیں۔
اسی طرح 86.4 فیصد افراد کا خیال ہے کہ یہ جنگ عالمی امن کے لیے سنگین خطرہ ہے، جبکہ 52.6 فیصد کو خدشہ ہے کہ یہ تنازع ایٹمی ہتھیاروں کے استعمال تک جا سکتا ہے۔ اس کے برعکس 39.6 فیصد اس امکان کو مسترد کرتے ہیں۔
رپورٹ کے مطابق، 60.4 فیصد ہسپانوی شہریوں کا ماننا ہے کہ وزیرِاعظم پیڈرو سانچیز کی جانب سے اسرائیل اور امریکہ کی بمباری کے خلاف اختیار کی گئی پوزیشن سے دنیا میں اسپین کی ساکھ بہتر ہوئی ہے۔ ان میں سے 20.8 فیصد کے مطابق بہت زیادہ، 17.8 فیصد کے مطابق کافی اور 11.8 فیصد کے مطابق کچھ حد تک بہتری آئی ہے، جبکہ 29.5 فیصد کا کہنا ہے کہ اس سے کوئی فائدہ نہیں ہوا۔
مزید برآں، 58.5 فیصد افراد کا کہنا ہے کہ اس جنگ کے اثرات ان کی ذاتی زندگی پر بھی پڑ رہے ہیں۔ ان میں سب سے زیادہ اثر ایندھن کی قیمتوں میں اضافے (94.3 فیصد)، اشیائے خوردونوش کی مہنگائی (92.5 فیصد)، بجلی اور گیس کے بڑھتے ہوئے اخراجات (80.1 فیصد)، عدم تحفظ کے احساس (69.6 فیصد) اور ذہنی و جذباتی دباؤ (56.3 فیصد) کی صورت میں سامنے آ رہا ہے۔
About The Author
