اسپین حکومت نے دانا آفت کے بعد شہریوں کے عطیہ کردہ 30 ملین یورو کہاں استعمال کئے،اپوزیشن کا سوال 

اسپین کی حکومت نے وضاحت کی ہے کہ دانا (شدید بارشوں اور سیلاب) کے بعد شہریوں کی جانب سے عطیہ کیے گئے 30 ملین یورو گھروں کی خریداری، متاثرہ کاروباروں اور پیشہ ور افراد کی مدد، اور شدید متاثرہ بلدیاتی اداروں کی معاونت کے لیے استعمال کیے گئے۔

یہ دانا خاص طور پر صوبہ ویلنسیا میں 29 اکتوبر 2024 کو تباہی کا سبب بنا تھا۔ حکومت نے یہ جواب اپوزیشن جماعت پاپولر پارٹی کے پارلیمانی سوالات کے جواب میں دیا، جن میں عوامی عطیات کے استعمال کی تفصیلات پوچھی گئی تھیں۔

حکومت کے مطابق، 11 نومبر 2024 کو کھولے گئے سرکاری خزانے کے اکاؤنٹ میں شہریوں کی طرف سے کل 30,059,766.60 یورو جمع ہوئے، جنہیں بعد میں ہنگامی فنڈ (Contingency Fund) کے تحت مختلف امدادی پروگراموں میں استعمال کیا گیا۔

یہ فنڈز درج ذیل مقاصد کے لیے استعمال ہوئے:

• متاثرہ کاروباروں اور پیشہ ور افراد کے لیے براہِ راست مالی امداد
• سرکاری ادارے SEPES کے ذریعے گھروں کی خریداری کے لیے سبسڈی
• متاثرہ بلدیاتی اداروں (میونسپلٹیز) کی مدد

تاہم حکومت نے یہ واضح نہیں کیا کہ ان 30 ملین یورو میں سے کتنی رقم کس مد میں خرچ ہوئی، اور نہ ہی حتمی فائدہ اٹھانے والوں کی مکمل تفصیلات فراہم کیں۔ حکومت کے مطابق، یہ معلومات فراہم کرنا ممکن نہیں کیونکہ ادائیگیاں SEPES اور دیگر درمیانی اداروں کے ذریعے کی گئیں۔

البتہ یہ ضرور بتایا گیا کہ اس اکاؤنٹ میں اب کوئی رقم باقی نہیں رہی اور موجودہ بیلنس صفر یورو ہے۔

About The Author

DailyDost

See author's posts