بارسلونا میں بچوں والی فیملیز کے لیے 1,650 یورو تک امداد حاصل کرنے کے آخری دن

بارسلونا میں “فوندو دی انفانسیا 0-16” (Fondo de Infancia 0-16) ایک بار پھر فعال کر دیا گیا ہے، جس کے تحت کم آمدنی والی فیملیز کو 1,650 یورو تک مالی مدد دی جا سکتی ہے۔ اگرچہ بلدیہ  نے ابھی حتمی آخری تاریخ کا اعلان نہیں کیا، لیکن گزشتہ برسوں کے مطابق امکان ہے کہ درخواست جمع کروانے کی مہلت جون کے آغاز تک ختم ہو جائے، یعنی اب صرف چند دن باقی ہیں۔

یہ امداد خاص طور پر ان گھرانوں کے لیے ہے جن کے زیر کفالت بچے ہیں اور جو معاشی طور پر کمزور ہیں۔ کچھ خاندان ماہانہ 350 یورو تک بھی حاصل کر سکتے ہیں، مگر بہت سے لوگوں کو اس کا علم ہی نہیں۔

سرکاری دستاویزات کے مطابق:

• ایک بچے والے خاندان کو: 600 یورو
• دو بچوں والے خاندان کو: 1,050 یورو
• زیادہ بچوں والے خاندان کو اس سے زیادہ رقم
• سنگل پیرنٹ (اکیلے والد یا والدہ) خاندان کو اضافی 600 یورو تک مل سکتے ہیں

اس طرح بعض صورتوں میں کل امداد 1,650 یورو تک پہنچ سکتی ہے۔ یہ رقم فی بچہ نہیں بلکہ پورے خاندان کے لیے زیادہ سے زیادہ حد ہے۔

درخواست کے لیے بنیادی شرائط

• بارسلونا میں رجسٹرڈ (empadronado) ہونا ضروری ہے
• زیر کفالت بچے ہونا
• آمدنی مخصوص حد سے کم ہونا
• سوشل سروسز کے ساتھ رجسٹر یا زیر نگرانی ہونا

درخواست آن لائن بلدیہ کے مقررہ پلیٹ فارم کے ذریعے جمع کروانی ہوگی۔

یہ مالی مدد بنیادی اخراجات جیسے بچوں کی پرورش، خوراک اور ضروریات پوری کرنے کے لیے دی جاتی ہے۔ ماضی میں یہ رقم “Barcelona Solidària Card” کے ذریعے فراہم کی گئی۔

یہ پروگرام ایسے وقت میں سامنے آیا ہے جب اسپین اور کاتالونیا میں شرح پیدائش کم ہو رہی ہے اور مہنگائی، رہائش کے مسائل اور خاندانی اخراجات میں اضافہ ہو رہا ہے۔ اسی وجہ سے ایسی امدادی اسکیمیں کمزور خاندانوں کے لیے وقتی سہارا بن رہی ہیں۔

بلدیہ کی طرف سے درخواستیں ابھی جاری ہیں، اور اگر پرانا شیڈول برقرار رہا تو یہ موقع جلد ختم ہو سکتا ہے۔

About The Author