لندن کے شمال میں دو ٹرینیں ٹکرا گئیں، متعدد افراد زخمی
Screenshot
برطانیہ کے شہر لندن کے شمالی علاقے کے قریب جمعہ کے روز دو ٹرینیں آپس میں ٹکرا گئیں، جس کے نتیجے میں متعدد افراد زخمی ہو گئے۔ حادثے کے بعد جائے وقوعہ پر بڑی تعداد میں ایمرجنسی سروسز تعینات کر دی گئیں، جن میں ایک میڈیکل ہیلی کاپٹر بھی شامل ہے۔
پولیس اور فائر بریگیڈ کے مطابق یہ حادثہ بریڈفورڈ کے جنوب میں ریلوے لائن پر پیش آیا، جہاں دو ٹرینیں آپس میں ٹکرا گئیں۔ اس واقعے کے باعث لندن کی جانب جانے والی ریلوے لائنیں دن کے باقی حصے کے لیے بند کر دی گئی ہیں۔
ابھی تک مسافروں کی تعداد یا زخمیوں کی حالت کے بارے میں کوئی سرکاری تفصیلات جاری نہیں کی گئیں۔
سوشل میڈیا پر سامنے آنے والی تصاویر اور ویڈیوز میں دیکھا جا سکتا ہے کہ متاثرہ ٹرینوں میں سے ایک “لوٹن ایکسپریس” تھی، جو لوٹن ایئرپورٹ اور لندن کے درمیان چلتی ہے۔
رپورٹس کے مطابق حادثہ تقریباً شام 5 بج کر 15 منٹ پر پیش آیا، جب ایک ٹرین حفاظتی نظام میں خرابی کے باعث رک گئی اور پیچھے سے آنے والی دوسری ٹرین اس سے ٹکرا گئی۔
ایک مسافر کے مطابق یہ ٹکراؤ اچانک ہوا، جس سے پہلے کوئی وارننگ، ہارن یا دھماکے کی آواز نہیں آئی اور دہشت گردی کے کوئی آثار نہیں تھے۔ تاہم ٹرین کا تیسرا ڈبہ پٹری سے اتر گیا۔
برطانیہ کی وزیرِ ٹرانسپورٹ ہیڈی الیگزینڈر نے اس واقعے پر گہری تشویش کا اظہار کیا ہے۔
About The Author
