سال کے پہلے 19 دن میں 516 پروازیں منسوخ

ملک میں دھند کا تسلسل برقرار ہے، جمعہ کو 45 پروازیں منسوخ، جبکہ 14 متبادل ایئرپورٹس منتقل کی گئی۔

ایوی ایشن ذرائع کے مطابق سال کے پہلے 19 دن میں منسوخ پروازوں کی تعداد 516 ہوگئی۔

گزشتہ روز موسم کی خرابی سے سیالکوٹ سب سے زیادہ متاثر رہا۔

ایوی ایشن ذرائع کا بتانا ہے کہ جدہ لاہور کی پرواز پی ایف 717 کو ایک گھنٹہ انتظار کے بعد کراچی میں لینڈ کرایا گیا۔

شارجہ، ابوظہبی، جدہ، دبئی، دوحہ، مسقط سے سیالکوٹ کی 6 پروازیں لاہور اتاری گئیں۔

ایوی ایشن ذرائع کے مطابق دبئی ملتان، دمام، کویت سٹی سیالکوٹ اور کراچی جدہ کی پرواز اسلام آباد منتقل کی گئی جبکہ سیالکوٹ شارجہ، دوحہ لاہور کراچی کی پروازیں منسوخ ہوئی۔ 

لاہور شارجہ، لاہور جدہ، اسلام آباد کراچی کی پروازیں منسوخ کی گئیں، ملتان جدہ دبئی، کراچی دمام مسقط، جدہ ملتان گوادر پروازیں منسوخ کی گئیں۔