اسپین نے اسرائیل کے ساتھ ہتھیاروں کا معاہدہ منسوخ کر دیا
میڈرڈ/اسپین نے اسرائیل کیساتھ 700 ملین یورو کے ہتھیاروں کا معاہدہ منسوخ کر دیا۔
ہسپانوی حکومت نے اسرائیلی ڈیزائن کردہ راکٹ لانچروں کے لیے تقریباً 700 ملین یورو کا معاہدہ منسوخ کر دیا ہے۔ سرکاری دستاویز کے مطابق جو پیر کو ایجنسی فرانس پریس نے دیکھی ہے۔
یہ اقدام وزیر اعظم پیدرو سانچیز کے گزشتہ ہفتے اعلان کے بعد سامنے آیا ہے جس میں کہا گیا ہے کہ ان کی حکومت غزہ میں جارحیت پر اسرائیل کے ساتھ فوجی ساز و سامان کی فروخت یا خریداری پر پابندی کو قانونی طور پر مضبوط کرے گی۔
وزیراعظم نے کہا کہ اسرائیل کو ہتھیاروں کی خریدوفروخت پر پابندی قانون میں شامل ہو گئی غزہ کی صورتحال پر اسرائیل کیخلاف پابندیوں میں اضافہ کر دیا ہے۔
ان کا کہنا تھا کہ اسپین نے ایک اور 287 ملین یورو کا معاہدہ بھی منسوخ کر دیا ہے اسرائیلی ہتھیاروں اور ٹیکنالوجی کو اپنی افواج سے ہٹانے کا جائزہ لے رہے ہیں۔
About The Author
