پورتومجیورے: پاکستانی اشرف محمد کا خواتین کے خلاف توہین آمیز بیان، میئر نے شکایت درج کرادی بات اٹالین پارلیمنٹ تک پہنچ گئی
پاکستانی کمیونٹی پر اٹالین میڈیا کی یلغار مختلف شہروں میں پاکستانیوں کے خلاف مظاہرے
اٹلی(میاں آفتاب احمد)اٹلی کے شہر پورتومجیورے میں پاکستانی شہری اشرف محمد نے ایک ٹی وی انٹرویو میں خواتین کے بارے میں انتہائی توہین آمیز لفظ استعمال کیا، جس کی ویڈیو وائرل ہونے کے بعد شدید ردعمل سامنے آیا۔
میئر Dario Bernardi نے فوری طور پر پولیس میں اس کے خلاف شکایت درج کرائی اور کہا کہ “خواتین کی توہین برداشت نہیں کی جا سکتی۔”
ان سے جب عورت کی آزادی کا سوال کیا گیا تو محمد اشرف نے آزاد عورتوں کو طوائف اور کنجریاں کہا، جس پر اٹلی کے مختلف شہروں خاص کر خواتین میں پاکستانیوں کے بسرے میں غم و غصہ پایا جاتا ہے۔مقامی پاکستانی کمیونٹی نے بھی اس بیان کی سخت مذمت کی اور واضح کیا کہ اشرف محمد نہ امام ہے، نہ کمیونٹی کا نمائندہ اور نہ اس کو اطالوی زبان پر عبور حاصل ہے۔بعد میں اشرف محمد نے ویڈیو پیغام میں معافی مانگی اور کہا کہ اسے اٹالین زبان نہیں آتی اور غلط لفظ اس کی زبان کی کمی کی وجہ سے نکل گیا۔
بات اطالوی پارلیمنٹ تک پہنچ گئی پاکستان پاکستانیوں کے خلاف تقاریر جاری ہیں دعاء کریں کوئی بڑا حکم نہ جاری ہو جائے۔
یہ واقعہ اس بات کی یاد دہانی ہے کہ ایک فرد کی غلطی پوری کمیونٹی کی بدنامی کا باعث بن سکتی ہے۔
About The Author
