حلقہ دارالادب انٹرنیشنل کی تقریب رونمائی،رانا نئیر اقبال چئیرمین یورپ اور صدر اسپین بن گئے

بارسلونا(دوست نیوز)حلقہ دارالادب انٹرنیشنل کی تقریب رونمائی کا انعقاد سوک سنٹر داراسانس بارسلونا میں ہوا۔جس میں رانا نئیر اقبال نے حلقہ دارالادب انٹرنیشنل کے اغراض ومقاصد بیان کرتے ہوئے کہا کہ ہمارا مقصد اردو اور پنجابی زبان کی ترویج ہے اور اس سلسلہ میں یورپ بھر میں مشاعرے اور ادبی تقریبات کا انعقاد کیا جائے گا۔انہوں نے کہا کہ یورپ بھر سے اہل علم،صاحب کتاب شعراءکرام نے اس پلیٹ فارم کو جوائن کیا ہے۔انہوں نے کہا کہ دیگر یورپی ممالک میں بھی تنظیم سازی کی گئی ہے اور ان ممالک میں بھی حلقہ دارالادب انٹرنیشنل کے صدور منتخب کر لئے گئے ہیں اور ان کی مشترکہ اتفاق رائے سے مجھے چئیرمین یورپ اوراسپین کے لئے صدراور شہباز احمد جامی کو جنرل سیکرٹری منتخب کیا ہے۔

تقریب کا باقاعدہ آغاز تلاوت قرآن مجید سے ہوا جس کی سعادت مدثر نے حاصل کی جبکہ نظامت کے فرائض شہباز احمد جامی نے سرانجام دئیے

شہباز احمد جامی نے اپنا کلام سنا کر مشاعرہ کا آغاز کیا۔جاوید الیاس قریشی ،افضال احمد بیدار، رانا نئیر اقبال اور فیض اللہ ساہی نے مشاعرہ کی صدارت کی

شعراء کران میں محمد اشفاق،مدثرحسین عاجز،پروفیسر طاہر عظیم،ملک اعجاز ،محمد فاروق سانگو،ارشد نذیرساحل،افضال احمد بیدار،رانانئیر اقبال نے اردو اور پنجابی میں کلام سنا کر خوب داد وصول کی

جاوید الیاس قریشی نے اپنے خطبہ صدارت میں کہا کہ بارسلونا میں اردو زبان کے لئے کام ایک عرصہ سے ہورہا ہے،گو مشکل ہے لیکن ناممکن نہیں ہے انہوں نے کہا کہ پاکستانی ورکر یونین نے ہمیشہ شاعروں ،ادیبوں کی حوصلہ افزائی کی ہے۔انہوں نے کہا کہ بارسلونا میں اردو کے لئے کام کرنے واکے دو بڑے نام بھی موجود ہیں جن میں حافظ احمد اور ڈاکٹرقمرفاروق شامل ہیں ان کی اردو کے لئے خدمات کو فرانوش نہیں کیا جاسکتا۔انہوں نے کہا کہ بہت جلد پاکستانی ورکر یونین شاعروں اور ادیبوں کے اعزاز میں تقریب کا انعقاد کرے گی۔