اسپین، طوفان کے دوران اسپرم وہیل کا بچہ کوستا براوا کے ساحل پر آ لگا
Screenshot
کوستا براوا کے ساحلی شہر پلاتجا دآرو میں ہفتے کی دوپہر لیونتیر طوفان کے باعث ایک اسپرم وہیل کے بچے کی لاش ساحل پر آ لگی۔ یہ سمندری طوفان گزشتہ کئی دنوں سے علاقے میں جاری تھا، جس کے نتیجے میں جانور کی لاش بہہ کر ساحل تک پہنچ گئی۔
ابتدائی طور پر وہیل کے بچے کو ساحل پر واقع الامار ہوٹل کے قریب دیکھا گیا، جہاں تیز لہروں نے اسے کنارے تک دھکیل دیا۔ واقعے کی اطلاع ملتے ہی کاسٹل۔پلاتجا دآرو کی سٹی کونسل نے سمندری حیات کے تحفظ کے ادارے کرام میری ٹائم فاؤنڈیشن اور ہسپانوی میری ٹائم ریسکیو یونٹس کو آگاہ کیا تاکہ وہ لاش کو اپنے تحویل میں لے سکیں۔
عوام کو لاش کے قریب جانے سے روکنے کے لیے مقامی پولیس کو موقع پر تعینات کر دیا گیا، جو علاقے میں گشت کر رہی ہے۔
About The Author
