ایئر فرائر خطرناک کیمیکلز میں 100 گنا کمی کرتا ہے،برمنگھم یونیورسٹی
Screenshot
بارسلونا: کچن کے چھوٹے مگر مقبول آلات میں شامل ایئر فرائر نے ایک اور مقابلہ جیت لیا ہے۔ برمنگھم یونیورسٹی کے حالیہ مطالعے کے مطابق، ایئر فرائر روایتی تیل والی فرائیر کے مقابلے میں ہوا میں نکلنے والے خطرناک کیمیکلز میں 100 گنا کمی کرتی ہے۔
تحقیق میں عام استعمال کے کھانے جیسے کہ پیاز کے حلقے، بیکن (دھویں دار اور بغیر دھوئیں کے) ایئر فرائر اور عام فرائیر میں پکائے گئے۔ نتیجہ صاف تھا: ایئر فرائر سے نکلنے والے فضائی ذرات کی تعداد دس سے سو گنا کم۔
اس کا مطلب یہ ہوا کہ ایئر فرائر نہ صرف تیل کی کمی سے کم چکنائی والے صحت مند کھانے تیار کرتی ہے بلکہ گھر کے اندر ہوا بھی صاف رکھتی ہے۔
تحقیق کے سربراہ، کرسچن پفرانگ، کہتے ہیں: “گھر کے اندر صاف ہوا کی اہمیت دن بہ دن بڑھ رہی ہے۔ ہمارا کام یہ سمجھنے میں مدد دیتا ہے کہ کچن کی سرگرمیاں کس طرح ہمارے سانس لینے والے ماحول کو متاثر کرتی ہیں۔”
ماہر غذائیت لوئس زامورا کا کہنا ہے، “ایئر فرائر اور عام تیل والی فرائیر دو مختلف چیزیں ہیں۔ ایک کھانے کو بس پکاتی ہے، دوسری اسے فرائی کرتی ہے۔ نتیجہ بھی بلکل الگ ہوتا ہے۔”
اس تحقیق سے ایک بات واضح ہے: صحت مند کھانے کے ساتھ گھر کی ہوا بھی بچائی جا سکتی ہے، اور ایئر فرائر اس میں بہترین ساتھی ثابت ہو رہی ہے۔
About The Author
