تعلیم یافتہ نوجوان ووٹرز پی ٹی آئی کے حامی، سروے

پاکستان تحریک انصاف (پی ٹی آئی) کے حامیوں میں تعلیم یافتہ نوجوان ووٹرز نوجوان شامل ہیں۔

گیلپ پاکستان کے ایگزٹ پول کے مطابق اس وقت کے حکمران اتحاد میں شامل دو بڑی جماعتیں ن لیگ اور پی پی نا خواندہ اور مڈل پاس ووٹرز میں مقبول ہے۔

سروے رپورٹ کے مطابق پی ٹی آئی کے 41 فیصد ووٹرز میں 18 سے 24 سال کے ہائی اسکول یا اس سے زیادہ تعلیم یافتہ نوجوان شامل ہیں جبکہ ن لیگ کو اس طبقے کے 21 فیصد افراد نے ووٹ دیا۔

ایگزٹ پول کے مطابق بیچلرز اور ماسٹرز ڈگری رکھنے والے 35 فیصد لوگ پی ٹی آئی کے ووٹرز ہیں جبکہ ن لیگ کو 15 فیصد جبکہ پی پی کو 10 فیصد نے ووٹ دیا۔

رپورٹ کے مطابق ناخواندہ افراد میں ن لیگ اور پیپلز پارٹی کا ووٹ بینک زیادہ ہے۔ 29 فیصد نے ن لیگ اور 23 فیصد نے پیپلز پارٹی کو ووٹ دیاجبکہ پی ٹی آئی 21 فیصد ناخواندہ افراد کا ووٹ حاصل کرسکی۔

ایگزٹ پول کے مطابق مڈل پاس 31 فیصد ووٹرز ن لیگ کے ساتھ ہیں، 26 فیصد نے پی ٹی آئی اور 15 فیصد نے پیپلز پارٹی کو ووٹ دیا۔

رپورٹ کے مطابق پی ٹی آئی پسماندہ اور مراعات یافتہ، ن لیگ متوسط آمدنی والے طبقے میں مقبول ہے۔

ایگزٹ پول کے مطابق 10 ہزار آمدنی والے 28 فیصد ووٹرز نے پی ٹی آئی کو جبکہ 26 فیصد نے ن لیگ اور 17 فیصد نے پی پی کو ووٹ دیا۔

سروے رپورٹ کے مطابق 25 سے 30 ہزار آمدن والوں میں پی ٹی آئی کو 32 فیصد اور 30 ہزار سے زائد کمانے والوں میں 34 فیصد کا ووٹ پی ٹی آئی کو ملا۔

البتہ 10 سے 20 ہزار روپے کمانے والے 30 فیصد ووٹر ن لیگ کے حامی نکلے، پی ٹی آئی کو 10 سے 20 ہزار کمانے والوں میں 22 سے 25 فیصد ووٹر کی حمایت ملی۔